सो झाँकी तथा र्याली प्रदर्शनमा आँधिखोला तमु (गुरुङ) समाज, काठमाण्डौंले घाँटु न्रित्य तथा सोरठी न्रित्य पदर्शन गरेको थियो, साथै तमु (गुरुङ) हरुको मौलिक पहिचान झल्काउने खालको सामानहरुको प्रदर्शन गरेको थियो र पुरुष, महिला तथा बालबालिकाहरु पनि सबै जना स्याङ्जाली गुरुङ (तमु) भेषभुषामा सजिएका थिए । आँधिखोला तमु (गुरुङ) समाज, काठमाण्डौंको बिशेष प्रस्तुती भनेको तमु (गुरुङ) हरुको मौलिक तथा परम्परा झल्किने खालको घरको नमुना रहेको थियो । सो घरको नमुनाको दर्शकहरुले अत्यन्तै चाख लगाएर अवलोकन गरेका थिए । सो कार्यक्रममा आँधिखोला तमु (गुरुङ) समाज, काठमाण्डौंले झाँकी तथा र्याली प्रदर्शनमा प्रथम स्थान हासिल गर्न सफल भएको छ । त्यस्तै बेलुकी साँस्क्रीतिक कार्यक्रम अन्तर्गत न्रित्य प्रतियोगितामा आँधिखोला तमु (गुरुङ) समाज, काठमाण्डौले दोश्रो स्थान हासिल गर्न सफल भएको छ ।

त्यस्तै गरी तमु ल्होसार २०७२ मूल आयोजक समारोह समितिले बिभिन्न व्यक्तित्व तथा संस्थालाई तमु (गुरुङ) समुदाय तथा राष्ट्रलाई पुर्याएको योगदान स्वरुप सम्मान गरेको थियो र आँधिखोला तमु (गुरुङ) समाज, काठमाण्डौं पनि त्यसरी सम्मानित हुने अवसर प्राप्त गर्‍यो ।

सो कार्यक्रममा प्रमुख अतिथी सम्माननीय प्रधानमंत्री श्री के. पि. शर्मा ओली हुनुहुन्थ्यो । त्यस्तै भु. पु. प्र. म. तथा नेपाली काङ्रेसका वरिष्ठ नेता शेर बहादुर देउवा, बन मन्त्री अग्नी सापकोटा लगायत अन्य तमु समुदायका विशिष्ट व्यक्तित्वहरुको गौरबमय उपस्थिती रहेको थियो ।