उद्घाटन सत्रमा कोणसभा हुनु अगाडि सबै तमु (गुरुङ) संघ - संस्थाका प्रतिनिधिहरुले र्यालीमा सहभागीता जनाउनु भएको थियो । सो र्याली पुब्लिक उच्च मा. बि. को प्रांगणबाट शुरु भएर भानु चौकमा गएर सभामा परीणत भएको थियो । तमु ह्युल छोंज धी गुरुङ राष्ट्रीय परिषदको केन्द्रिय भवन निर्माणको लागि आँधीखोला तमु (गुरुङ) समाज, काठमाण्डौँले एक लाख एक हजार एक सय प्रदान गर्‍यो । रु १०१,१००/- को चेक आजै समाजका अध्यक्ष श्री प्रशाद गुरुङले तमु ह्युल छोंजधी गुरुङ राष्ट्रीय परिषदका केन्द्रिय अध्यक्ष श्री रेशम गुरुङलाई हस्तांतरण गर्नु भयो ।

सम्माननीय उपराष्ट्रपती नन्द बहादुर पुनले  संविधानले दिएको अधिकारलाई उपयोग गरी विविध भाषा, धर्म, संस्कार, संस्कृति र पहिचान भएका आदिवासी, जनजाति आदिको सहिष्णुताले विश्वमा शान्तिपूर्ण देश भनेर पहिचान बनाएको नेपालको त्यो महिमालाई शिखरमा पुर्याउन सकिने धारणा राखे । तमु (गुरुङ) समुदायले नेपालको पहिचानलाई विश्वभर फैलाउने कार्यमा महत्वपूर्ण भूमिका खेलेको उपराष्ट्रपति पुनले उल्लेख गर्नु भयो  ।

सम्मेलनमा नेपाललगायत भारत, बर्मा, भुटान, संरा अमेरिका र खाडी मुलुकबाट आएका प्रतिनिधिहरुको सहभागिता गर्नु भयो ।

कार्यक्रममा उपराष्ट्रपति पुनले श्रम तथा रोजगारमन्त्री सूर्यमान गुरुङ पूर्वप्रधानसेनापति छत्रमान गुरुङ, पूर्वप्रहरी महानिरीक्षक हेमबहादुर गुरुङ, गैरआवासीय नेपाली सङ्घका अध्यक्ष शेष घले, भारत सिक्किमका मन्त्री गर्जमान गुरुङलगायतलाई सम्मान गरेका थिए ।